Voi mi parlate di a veghja di... inde e case cum'ellu si facìa à i tempi? Eh beh, era quandu, soprattuttu, d'inguernu, d'autornu, eh, quandu i ghjorni è poi i travagli si finianu abastanza di bonora, dunque si facia cena e pò, quandu c'eranu i paesi chì eranu un po' più pupulati, si n'andava, "andemu à fà a veghja inde u tale o inde u tale" è i giovani è i vechji si ritruvavanu per, dunque, per ripusassi di a ghjurnata è per fà una... pausa per ritruvassi; è tandu ghjera un po' cum'è a televisiò, cent'anni o duiecent'anni fa. A televisiò ùn c'era micca contru à u muru, ghjera ind'à sala, ognunu si facia a so televisiò. C'eranu, bon, i "show": ghjeranu i canti; i ghjochi televisate, ghjera e partite di scopa o di morra; e finzione, la "fiction", ghjeranu ciò chì cuntavanu i vechji, les conteurs, chì cuntavanu... E' le journal télévisé ghjeranu l'avenimenti di a ghjurnata è spessu spessu ghjeranu ghjente chì, d'una... cù una versificazione precisa, cù un putere di evucazione straurdinariu, cuntavanu cantendu ciò chì s'era passatu ind'à a ghjurnata. C'eranu i "cuntrasti", i "chjama è rispondi", ghjente chì, cù sta manera di versificazione, chì si rispundianu cantendu, chì si pudianu cuntrastà è certe volte si pudianu - micca ind'è veghje ma ancu fora à un comptoir de bar - certe volte eranu capaci ancu di minassi, eh eh, ma umbeh! ùn si passa micca cusì inde e veghje, eh?. Ghjeranu sti "chiama è rispondi", des "joutes oratoires" comme on pourrait dire en français, eh, è pè falà à u dunque ghjera a manera di passà u tempu è forse d'una manera più viva, più vera che davanti a u postu [di a] televisione, induve ghjera qualcosa, a televisione, qualcosa chì ci hè imposta, è chì tandu ognunu appurtava a so petra, d'una certa manera, per fà a so televisiò.