U Mazzeru ghjè un persunaggiu chì, à a notte... un persunaggiu, pò esse n'importa quale... pudrebbe esse[re] un paisanu di qui o d'astrò, eh, ma chì ghjè sceltu d'una certa maniera è chì hè u destinu chì u face, o allora forse chì è statu malbattizatu, chì u prete o u cumpare si era scurdatu di una parulla quand'ellu era battizatu e tandu chì, dicenu, ch'ellu diventa Mazzeru... è st'omu, o sta donna - ma suprattuttu sò l'omi, eh - sunnieghja è à a notte si ne va, in sonniu, è si ne va à mezzu à a furesta è si mette [impostu?] sempre davanti à un puntu d'acqua, ch'ellu sia una funtana, ch'ellu sia u fiume, eh, è aspetta. Aspetta ch'ellu passi un animale, un animale salvaticu o mansu, o domesticu, è quand'ellu spunta - suppunemu ch'ellu hè un cignale - u tomba. Allora, tempi fà u tumbava cù la lancia, è per què in certi lochi u chiamanu "[u] lancere", è l'ammazza, è per què [in sti lochi] "u Mazzeru", beh, si capisce, dunque... è quand'ellu ha tombu l'animale, s'avvicina: hè tandu ch'ellu s'avvede chì - s'ellu hè un cignale - a testa di u cignale hè scambiata, hè a testa di un omu o di una donna; e tandu u Mazzeru sà chì sta donna, o st'omu, murerà. Ma u Mazzeru ùn hè micca ellu chi vole tumbà è, semplicemente, face l'interpretazione di u destinu, è à ssu mumentu - què ghjè una teuria ch'o aghju fatta è chì dipassa ancu u rumanzu, eh. Ma c'hè dinò una credenza chì i morti, ind'è noi, si trovanu ind'è i fiumi - è in l'acqua in tutti i casi - è tandu u Mazzeru, quand'ellu ha scupertu qual'hè chì ha da more, anderà à cercà ind'è u fiume... perchè hè l'acqua chì simbulizeghja d'una certa manera u fiume de l'Enfer... di l'inferni... è dunque va à circà i morti in prucessiò per purtalli ind'è a casa di quellu chì ha da more, per purtà, dunque, u doppiu di stu omu o di sta donna è aiutallu à traversà u fiume di l'inferni. Dunque ùn hè micca un assassinu, u Mazzeru, hè qualchissia - à u cuntrariu - prende... piglia in casa... in carica quellu chì ha da more. E' po' ha d'astre funzione chì sò diverse; so dice chì i Mazzeri, quand'elli... à u mese di lugliu, à e Bocche - a Bocca di U Pratu o a Bocca d'Arcarotta, quelli di Ampugnanu è quelli d'Orezza, o quelli di l'Alisgiani è quelli d'Orezza o di astrò, di altri punti di a Corsica, si ritrovanu sott'à a forma di un animale u Mazzeru... u "doppiu" animale di quellu chì ha da more... è dunque i Mazzeri stessi, a st'epiche nant'à i colli, si battenu nant'à a so forma, a forma d'animale; è tandu chì si sentenu, li chjamemu noi, i "griuli": sò mughji di suffrenza, di collera, è i Mazzeri chì anu vintu sò quelli chì... è quand'elli rivenenu ind'è i sò paesi, sò lochi chì si more menu chì ind'è i lochi duve i Mazzeri ùn anu micca vintu, diceraghju. E dunque, tutte ste cridenze, di una partita, mi ne sò ghjuvatu per fà stu libru.